आउटलिव पियर सपोर्ट प्रोग्रॅमची उद्दिष्ट्ये काय आहेत?

आउटलिवच्या पियर सपोर्ट प्रोग्रॅमद्वारे सुसाईड प्रतिबंधात्मक पियर सपोर्ट तरुणांपर्यंत परिणामकारकरीत्या पोहोचवण्याचे उद्दिष्ट्य सध्या करता येईल. आम्ही दिल्ली, मुंबई व पुण्यामधील तरुण पियर सपोर्टर्सचा असा एक गट तयार करत आहोत जे तणावग्रस्त किंवा नैराश्य आलेल्या तरुणांना चॅटद्वारे भावनिक आधार देऊ शकतील. आउटलिव मधील पियर सपोर्टरर्सना आमच्या पियर मेंटॉर्स कडून गटकार्याद्वारे व वैयक्तिक मार्गदर्शन मिळते.

ह्या प्रोग्रॅम मधून पियर सपोर्टर म्हणून काय अनुभव मिळेल?

आउटलिव पियर सपोर्टर म्हणून तुम्ही तरुणांमधील सुसाईड प्रतिबंधात्मक कार्यात मदत करू शकता आणि बदल घडवून आणू शकता!

• तुम्हाला तुमच्याच वयोगटातील तरुणांना भावनिक आधार देण्याचे प्रशिक्षण मिळेल जे तणावाखाली आहेत किंवा ज्यांना सुसाईड संबंधी विचार येत आहेत
• तुम्ही तुमची संवाद कौशल्ये, भावनिक आधार देण्याची क्षमता विकसित कराल ज्याचा फायदा तुम्हाला कामात व खाजगी आयुष्यातही होईल!
• तुमचं मार्गदर्शन पिअर मेंटर्सद्वारे केलं जाईल, जे तुम्हाला पिअर सपोर्टर म्हणून तुमच्या प्रवासातील प्रत्येक टप्प्यावर प्रशिक्षण आणि मार्गदर्शन देतील.
• तुम्ही वॉलेंटीयर म्हणून केलेल्या कामासाठी तुम्हाला त्या कालावधीप्रमाणे आउटलिव कढणं योग्य प्रमाणपत्र दिले जाईल

पियर सपोर्टर म्हणून आउटलिव साठी कोण काम करू शकते?

आउटलिव साठी पियर सपोर्टर होण्यासाठी मानसिक आरोग्यसंदर्भात किंवा सुसाईड प्रतीबंधाबाबत काही पार्श्वभूमी किंवा शिक्षण असणे गरजेचे नाही. 

आम्ही अशा तरुणांच्या शोधात आहोत जे:

• 18 ते 24 वयोगटातील तरुण आहेत
• दिल्ली, मुंबई किंवा पुणे येथे वास्तव्यास आहेत
• ज्यांना इंग्लिश, हिंदी किंवा मराठी अस्खलित बोलता येते
• ज्यांच्याकडे अँन्ड्रॉईड फोन व इंटरनेट असेल

जर तुम्हाला तरुणांमधील सुसाईड प्रतिबंधासाठी काम करायची इच्छा असेल तर आउटलिव पियर सपोर्टर होण्यासाठी आजच अर्ज करा!

निवड प्रक्रिया कशी असेल?

आउटलिव पियर सपोर्टर बनण्यासाठी तुम्हाला निवड प्रक्रियेचे 2 टप्पे पार पडावे लागतील

• पहिला टप्पा: लिखित ऑनलाईन अर्ज
• दुसरा टप्पा: ऑनलाईन मुलाखत/इंटरव्यू

निवड झालेल्या तरुणांना सुसाईड प्रतिबंधात्मक 30 तासांचे पियर सपोर्टर बनण्याचे प्रशिक्षण दिले जाईल आणि त्यानंतर त्यांचे आउटलिव मध्ये पियर सपोर्टर म्हणून स्वागत होईल!

आउटलिव पियर सपोर्टरचे काम काय असेल?

नैराश्याने ग्रस्त, सुसाईड चे विचार येत असलेल्या तरुणांना भावनिक आधार देण्याचे प्रशिक्षण आउटलिव पियर सपोर्टर्सना ऑनलाईन किंवा हायब्रीड स्वरूपात दिले जाईल. हे ट्रेनिंग संपले की पियर सपोर्टर्सने 3 महिन्यांसाठी प्रत्येक आठवडा 7 तास काम करणे अपेक्षित आहे (वेळ दुपारी 3 ते रात्री 12 मध्ये कधीही). आउटलिव चॅटद्वारे ऑनलाईन मदत पुरवणे असे कामाचे स्वरूप असेल. पियर सपोर्टर्सना पियर मेंटॉर्स कडून नियमित मार्गदर्शन व मदतसुद्धा मिळेल.

हा प्रोग्रॅम सशुल्क आहे का?

आउटलिव पियर सपोर्ट प्रोग्रॅमचे सर्व सदस्य हे स्वयंसेवक असतील. सर्व सदस्य आउटलिव मध्ये स्वयंसेवक म्हणून काम करतात व ह्यासाठी कुठलेही शुल्क दिले जात नाहीत. आमचे 30 तासाचे पियर सपोर्ट ट्रेनिंग हे मोफत आहे आणि ते पूर्ण केल्याबद्दल सर्व पियर सपोर्टर्सना त्याचे प्रमाणपत्र मिळेल.

अर्ज कसा करावा?

आउटलिव पियर सपोर्टर म्हणून पुढील ऑनलाईन अर्ज करणे आवश्यक आहे. ह्यासाठी कुठलाही मर्यादित कालावधी नाही. अधिक माहितीसाठी संपर्क करा: [email protected].